Loading...
You are here:  Home  >  कला / साहित्य  >  Current Article

स्वरसम्राट नारायण गोपालको ३२ औं स्मृति दिवस मनाइँदै

१९ मंसिर,   खबरमञ्च,   at 10:58 AM

By   /  December 5, 2022  /  Comments Off on स्वरसम्राट नारायण गोपालको ३२ औं स्मृति दिवस मनाइँदै

    Print       Email

काठमाडौं । आज सोमबार स्वरसम्राट नारायण गोपालको ३२ औं स्मृति दिवस मनाइँदैछ ।

नेपाली आधुनिक गीत संगीतको दुनियाँमा अद्भूत छाप छाड्न सफल नारायण गोपालको वि.सं. २०४७ साल मंसिर १९ गते निधन भएको थियो ।

वि.सं. १९९६ सालको असोज १८ गते काठमाडौंको किलागलमा जन्मिनु भएका नारायण गोपालको ५१ वर्षकै उमेरमा निधन भएको थियो ।

नारायण गोपालले नेपाली आधुनिक संगीतको सिर्जनशील–युगको एकक्षत्र नेतृत्व गरेका थिए । साथै सुगम–संगीतको पाठशाला निर्माणमा पनि उनकै देन रहेको छ ।

आफ्नो जीवनकालमा सयौं गीत गाएका नारायण गोपालका सबै गीत उत्तिकै कर्णप्रिय र कालजयी छन् ।

नारायणगोपालले ‘एउटा मान्छेको मायाले कति’, दुईटा फूल देउरालीमा’, ’पोखिएर घामको झुल्का’, ‘पर्खी बसेँ आउला भनी’, ‘तिम्रो जस्तो मुटु मेरो पनि’, ‘मेरो बेहोसी आज’, मेरो आँखालाई राख्ने’, ‘श्रद्धाको फूल चढाइदिनु’, ‘स्वर्गकी रानी मायाकी खानी’, ’ए कान्छा ठट्टैमा यो बैस जान लाग्यो’ लगायत कालजयी गीत गाएका छन्।

गोरखा दक्षिण बाहु, चौथो, इन्द्रराज्यलक्ष्मी प्रज्ञा, छिन्नलता, जगदम्बाश्रीलगायत प्रतिष्ठित पुरस्कार पाएका उनलाई २०४८ सालमा मरणोपरान्त त्रिशक्तिपट्ट, तेस्रो प्रदान गरिएको थियो ।

स्मृति दिवसको अवसरमा नेपाल संगीत प्रज्ञा प्रतिष्ठान तथा नारायण गोपाल संगीत विद्यालयलगायत संघ संस्थाले विभिन्न कार्यक्रमहरु गर्दैछन् ।

यसैबीच नारायण गोपाल स्मृति प्रतिष्ठान झापाले आज साँझ ५ बजेदेखि बिर्तामोडको सिटी सेन्टरमा नारायण गोपाल स्मृति साँझको आयोजना गर्दैछ ।

प्रतिक्रिया व्यक्त गर्नुस्
    Print       Email

You might also like...

करण राई बने ‘द भ्वाइस अफ नेपाल’को चौथो सिजनका विजेता

Read More →