Loading...
You are here:  Home  >  सम-सामयिक  >  Current Article

‘सीमा विवाद र रुकुम घटनामा सरकार गम्भीर बनेन’

१९ जेठ,   खबरमञ्च डेस्क,   at 2:08 PM

By   /  June 1, 2020  /  Comments Off on ‘सीमा विवाद र रुकुम घटनामा सरकार गम्भीर बनेन’

    Print       Email

काठमाडौं । प्रतिनिधिसभाका सांसदहरुले सीमा विवाद समाधान र रुकुम घटनाको छानबिन लगायतका विषयमा सरकार गम्भीर नबनेको आरोप लगाएका छन्।

उनीहरुले ती घटनाहरुमा सरकारको गम्भीर ध्यानाकर्षण गराएका छन्।

प्रतिनिधिसभाको शून्य समयमा बोल्ने सांसदहरुले रुकुममा भएको अमानविय घटना र सीमा विवाद समाधानको विषयमा सरकारको ध्यानाकर्षण गराएका हुन् ।

सांसद अतहर कमाल मुसलमानले लिम्यिाधुरा, लिपुलेक र कालापानी समेतको नक्सा जारी गरेपछि सरकारले भूमिमाथिको स्वामित्व ग्रहण गर्नुपर्ने बताए ।

नक्सा मात्रै जारी गरेर नहुने उल्लेख गर्दै उनले दार्चुला तिंकर सडकको ८७ किलोमिटर ट्रयाक खोल्ने काम अझै हुन नसकेको बताए ।

सांसद गंगा चौधरी सत्गौवाले नेपालको संसदमा भारतीय चेलीहरुले दादागिरी गर्न थालेको बताए । अनुदानसँग जमिन, स्वाभिमान र राष्ट्रियता कुनै पनि हालतमा साँट्न नसकिने उल्लेख गर्दै उनले भने, ‘नेपालभित्र भारतको दादागिरी, नमिचिएको ठाउँ छैन । नमिचिएको गाउँ छैन् । भन्दाभन्दै भारतीय चेलीहरुको सदनभित्र पनि दादागिरी चल्न थाल्यो । भूमि मिचाहासँग सल्लाह छलफल गर्नुपर्‍यो रे । आफ्नो जमिन मेरो हो भन्नलाई पनि मेरो देशका जमिन मिचाहासँग सोध्नुपर्ने यो कस्तो विडम्बना ?’

सांसद घनश्याम खतिवडाले कुटनीतिक वार्ताबाट समस्या सुल्झाउन भारत तयार नभएर पूर्वमा काँकडा र पश्चिममा टिष्टासम्मको भूमि दावि गर्नुपर्ने बताए ।

सांसदचन्दा चौधरीले रुकुम घटनाको विषयमा गृहमन्त्रालय किन चुप लागेको भन्दै प्रश्न गरिन ।

प्रतिक्रिया व्यक्त गर्नुस्
    Print       Email

You might also like...

बाह्रबिसे उडेका सभामुख सापकोटा धुलिखेलको आकाशबाटै फर्किए

Read More →