Loading...
You are here:  Home  >  राजनीति  >  Current Article

भद्रपुर वार्ड नं ३ मा वडाध्यक्षसहित राप्रपाको प्यानल नै विजयी

२ जेठ,   खबरमञ्च,   at 5:53 AM

By   /  May 16, 2022  /  Comments Off on भद्रपुर वार्ड नं ३ मा वडाध्यक्षसहित राप्रपाको प्यानल नै विजयी

    Print       Email

झापा । भद्रपुरमा काँग्रेस–माओवादी गठबन्धन र नेकपा (एमाले)का उम्मेदवारलाई पराजित गर्दै राप्रपाले विजयी सुरुवात गरेको छ । 

भद्रपुर वडा नम्बर ३ मा राप्रपाले वडा अध्यक्षसहित प्यानल नै जितेको छ । राप्रपाबाट उम्मेदवार बनेका ३४ वर्षीय युवा हेमबहादुर कार्की वडा अध्यक्षमा निर्वाचित भएका छन् ।

उनले गठबन्धनबाट उम्मेदवार बनेका काँग्रेसका शमशेर तामाङ र एमालेका कमला थुलुङलाई पराजित गरेका हुन् । 

तामाङ काँग्रेसका वडा सभापति हुन भने थुलुङ निवर्तमान वडा अध्यक्ष हुन् । कार्कीले १०१४ मत ल्याएर निर्वाचित हुँदा उनका प्रतिस्पर्धी तामाङले ९४५ र थुलुङले ८३७ मत ल्याएका छन् । त्यस्तै खुला वडा सदस्यमा राप्रपाबाट पूर्णमाया सुब्बा लिम्बु ९५५ र मुदिलाल गणेश ९७३ मत ल्याई निर्वाचित भएका छन् ।

महिला सदस्यमा भुबामाया थापा पुलामी ९५५ र दलित महिला सदस्यमा शोभा दर्जी १००९ मत ल्याई राप्रपाबाटै निर्वाचित भएका छन् ।  

प्रतिक्रिया व्यक्त गर्नुस्
    Print       Email

You might also like...

कांग्रेसले असार २७ गतेका लागि बोलायो केन्द्रीय समिति बैठक

Read More →