Loading...
You are here:  Home  >  सम-सामयिक  >  Current Article

निर्वाचन आयोगद्वारा भक्तपुरका मतदान केन्द्रको अनुगमन

१३ मंसिर,   रासस,   at 10:08 AM

By   /  November 29, 2019  /  Comments Off on निर्वाचन आयोगद्वारा भक्तपुरका मतदान केन्द्रको अनुगमन

    Print       Email

 

भक्तपुर । मंसिर १४ गते शनिबार भक्तपुर क्षेत्र नं १ ९क० मा हुने प्रदेशसभा सदस्यको उपनिर्वाचनमा निर्धारण गरिएको मतदान केन्द्रको अनुगमन गरिएको छ।

निर्वाचन आयुक्त नरेन्द्र दाहालले यहाँका विभिन्न मतदानस्थलको बिहीबार साँझ अनुगमन गरेका हुन्। उनले भक्तपुर नगरपालिका–१० मा पाँच वटा मतदान केन्द्र रहेको सरस्वती विद्यागृह मावि नवदुर्गा स्थानको मतदान केन्द्रको स्थलगत निरीक्षण गरेका हुन्।

त्यसैगरी उनले मतगणनास्थल विद्युत् प्राधिकरण तालिम केन्द्र खरीपाटीको समेत अनुगमन गरेका थिए। सो अवसरमा आयुक्त दाहालले स्वच्छ, स्वतन्त्र र निष्पक्षरुपमा मतदाताले मतदान गर्न पाउने व्यवस्था मिलाउन मतदान केन्द्रमा खटिएका सबै कर्मचारीलाई निर्देशन दिए।

मतगणनास्थलमा पनि सबैको नियमानुसार सहज प्रवेश तथा सूचना सम्प्रेषणको लागि सञ्चारमाध्यमलाई विशेष स्थान दिनुपर्नेमा उनले जोड दिए।

प्रमुख जिल्ला अधिकारी नारायणप्रसाद भट्ट, मुख्य निर्वाचन अधिकृत जगतनारायण प्रधान र जिल्ला निर्वाचन अधिकारी घमचन्द्र तिम्सिनाले सुरक्षा व्यवस्था मजबुत भएको जानकारी गराए। सबै मतदान केन्द्रमा मतदान अधिकृत आआफ्नो मतदान केन्द्रमा पुगिसकेको र सर्वदलीय बैठक राखी मतदाता परिचयपत्रसमेत वितरण गरिएको छ। आज मुख्य निर्वाचन अधिकृतको कार्यालयबाट मतपत्र बुझ्ने कार्यक्रम छ। रासस

प्रतिक्रिया व्यक्त गर्नुस्
    Print       Email

You might also like...

कोरोना भाइरसको सङ्क्रमण बढेपछि अप्नाउनुपर्ने रणनीतिका बारेको छलफल बालुवाटारमा शुरु

Read More →