Loading...
You are here:  Home  >  स्वास्थ्य  >  Current Article

झापाको बिएण्डसी अस्पतालले स्वास्थ्य बीमा कार्यक्रम रोक्ने

८ असार,   खबरमञ्च,   at 2:18 PM

By   /  June 22, 2022  /  Comments Off on झापाको बिएण्डसी अस्पतालले स्वास्थ्य बीमा कार्यक्रम रोक्ने

    Print       Email

झापा । झापाको बिएण्डसी मेडिकल कलेजले स्वास्थ्य बीमा कार्यक्रम रोक्ने भएको छ । मोरङको नोबेल मेडिकल कलेजले पनि स्वास्थ्य बिमा कार्यक्रम रोक्ने जनाएको छ।

बुधबार काठमाडौंमा पत्रकार सम्मेलन गर्दै बिएण्डसी र नोवेलले स्वास्थ्य बीमा बोर्डले समयमा रकम भुक्तानी नगर्दा समस्या भएको भन्दै असार २० गतेबाट स्वास्थ्य बिमा कार्यक्रम रोक्ने जनाएका हुन् ।

उनीहरुले २०७८ मंसिरपछि बिमा वापतको रकम नपाएको जनाएका छन् ।

बीएण्डसी मेडिकल कलेजका सञ्चालक दुर्गा प्रसाईंले स्वास्थ्य बीमा बापतको ४५ करोड रुपैयाँ भन्दा बढि र नोबेलको ५४ करोड भन्दा बढि रुपैयाँ लिन बाँकी रहेको जानकारी दिए ।

यसअघि १५–१५ दिनमा भुक्तानी गर्ने भनिएपछि अझै पनि बीमा वापतको रकम नपाएको उनले बताए ।

सरकारले ७२ चैत २५ देखि कैलालीबाट सुरु गरेको स्वास्थ्य बीमा कार्यक्रम ७७ वटै जिल्लामा लागू भइसकेको छ ।

प्रतिपरिवार ५ जनासम्मको ३ हजार ५ सय रकम तिरेको आधारमा वार्षिक एक लाखसम्मको स्वास्थ्य सुविधा र थप प्रतिसदस्य ७ सयका दरले रकम थपिएमा प्रतिसदस्य २० हजार बराबरको सेवा थपिने प्रावधान छ ।

प्रतिक्रिया व्यक्त गर्नुस्
    Print       Email

You might also like...

५ देखि ११ वर्षसम्मका बालबालिकालाई आजदेखि कोभिड – १९ विरुद्धको खोप दिइँदै

Read More →