Loading...
You are here:  Home  >  छापामा  >  Current Article

एन्टिजेन विधिबाट स्वाब परीक्षण गरिएकामध्ये ८ प्रतिशतमा कोरोना संक्रमण

१८ मंसिर,   खबरमञ्च,   at 6:59 AM

By   /  December 3, 2020  /  Comments Off on एन्टिजेन विधिबाट स्वाब परीक्षण गरिएकामध्ये ८ प्रतिशतमा कोरोना संक्रमण

    Print       Email

काठमाडौं । समुदायस्तरमा एन्टिजेन विधिबाट स्वाब परीक्षण गरिएकामध्ये ८ प्रतिशतमा कोरोना संक्रमण देखिएको छ ।

सरकारले काठमाडौं उपत्यकामा कोरोना हटस्पट मानिएका क्षेत्रका समुदायमा कोराना संक्रमणको अवस्था पत्ता लगाउन एन्टिजेन विधिबाट परीक्षण गरेको हो ।

दुई दिनमा १ हजार ५ सय ५ जनाको स्वाब सकलन गरी एन्टिजेन विधिबाट परीक्षण गर्दा १ सय १५ जनामा मात्रै संक्रमण पुष्टि भएको छ । सोमबार ७ सय २० जनाको परीक्षण गरिएकामा ४३ जना र बुधबार ७ सय ८५ जनाको परीक्षण गर्दा ७२ जनाको रिपोर्ट पोजिटिभ आएको हो ।

‘योभन्दा बढी हुन सक्ने अनुमान गरेका थियौं,’ इपिडिमियोलोजी तथा रोग नियन्त्रण महाशाखा (ईडीसीडी) का निर्देशक डा. वासुदेव पाण्डेले भने, ‘समुदायस्तरमा गएर परीक्षण गर्दा पनि संक्रमण न्यून नै देखियो ।’ सोमबार एन्टिजेन परीक्षण गर्दा रिपोर्ट पोजिटिभ आउने ४३ जनाको पीसीआर परीक्षण पनि गरिएको थियो । त्यसमा पनि सबैको रिपोर्ट पोजिटिभ नै आएको ईडीसीडीले जनाएको छ ।

अहिले पनि पीसीआर परीक्षण गर्दा भेटिएका मुलुकभरका संक्रमितमध्ये ४० प्रतिशतभन्दा बढी काठमाडौं उपत्यकाका मात्रै छन् । बुधबार देशभरबाट १ हजार ४ सय ९० जना संक्रमित थपिएकामा काठमाडौं उपत्यकाका मात्रै ७ सय २३ जना छन् । यो कुल संक्रमितको ४८.५२ प्रतिशत हुन आउँछ । कान्तिपुर दैनिकमा खबर छ ।

प्रतिक्रिया व्यक्त गर्नुस्
    Print       Email

You might also like...

नेकपा विवादः जवाफ पठाएको साता नाघिसक्यो, आयोगलाई निर्णय दिन सकस

Read More →