Loading...
You are here:  Home  >  राजनीति  >  Current Article

स्वदेश फर्के बंगलादेशका राष्ट्रपति हमिद

२९ कात्तिक,   खबरमञ्च,   at 5:42 PM

By   /  November 15, 2019  /  Comments Off on स्वदेश फर्के बंगलादेशका राष्ट्रपति हमिद

    Print       Email

काठमाडौं । बंगलादेशका राष्ट्रपति मोहम्मद अब्दुल हमिद नेपालको चारदिने औपाचारिक सद्भावना भ्रमण पूरा गरी शुक्रबार स्वदेश फर्केका छन्।

राष्ट्रपति विद्यादेवी भण्डारीको निमन्त्रणामा गत मंगलबार नेपाल भ्रमणमा आएका राष्ट्रपति हमिदलाई त्रिभुवन अन्तरराष्ट्रिय विमानस्थलको अतिविशिष्ट कक्षमा राष्ट्रपति भण्डारीले बिदाइ गरिन्।

उनको बिदाइका निम्ति गृहमन्त्री रामबहादुर थापा तथा परराष्ट्रमन्त्री प्रदीपकुमार ज्ञवाली, संस्कृति, पर्यटन तथा नागरिक उड्डयनमन्त्री योगेशकुमार भट्टराईको पनि उपस्थित विमानस्थल पुगेका थिए। उनलाई नेपाली सेनाको एक टुकडीले २१ तोपको सलामी दिएको थियो।

उनको स्वागतमा झैँ बिदाइमा पनि सातै प्रदेशको प्रतिनिधित्व हुने गरी कलाकारले गीतसङ्गीत र नृत्य प्रस्तुत गरेका थिए भने बालबालिकाले नेपाल र बङ्गलादेशको झण्डा फहराएर विशिष्ट पाहुनालाई बिदाइ गरेका थिए।

 

प्रतिक्रिया व्यक्त गर्नुस्
    Print       Email

You might also like...

नागरिककाे गाेपनीयता भंग गर्ने विशेष सेवा सम्बन्धि विधेयक फिर्ता लिन कांग्रेसकाे माग

Read More →