Loading...
You are here:  Home  >  समाज  >  Current Article

‘फेवाताल जोगाऔँ’

३ चैत,   रासस,   at 9:43 PM

By   /  March 17, 2019  /  Comments Off on ‘फेवाताल जोगाऔँ’

    Print       Email

चिप्लेढुङ्गा । राष्ट्रियसभाका अध्यक्ष गणेश तिमिल्सिनाले पोखराको पर्यटनको विकासका लागि फेवातालको संरक्षण गर्न एकीकृत योजनाको खाँचो रहेको बताएका छन् । पोखरा चेम्बर अफ कमर्शले आज पोखरामा आयोजना गरेको पोखराको पर्यटन क्षेत्रको सम्भावना, चुनौती र नयाँ लगानीको विषयमा पर्यटन व्यवसायीसँग गरेको अन्तरक्रिया कार्यक्रममा उनले पोखरा र आसपासका जिल्लाको पर्यटन प्रवद्र्धनमा पनि सामूहिक पहलको खाँचो औँल्याए ।

“फेवाताल भएर नै पोखरा छ, फेवातालबाट कमाउने मात्रै निस्किए तर जोगाउनु पर्छ भन्ने भएनन्”, उनले भने “संरक्षणको नाममा पैसाको खोलो बग्यो तर नतीजामुखी हुन सकेन ।” व्यवसायमा विविधता ल्याएर उत्पादनलाई पर्यटनसँग जोड्नुपर्ने उनको भनाइ थियो । उनले लगानीमैत्रीे वातावरण बनाएर देशमा विदेशी पुँजी भित्र्याउन सकिने बताए।

पोखरा पर्यटन परिषद्का अध्यक्ष चिरञ्जीवी पोखरेलले पोखराको पर्यटन पवद्र्धनमा सरकारको लगानी न्यून रहेको उल्लेख गर्दै त्यसतर्फ सरकारको ध्यान जानुपर्नेमा जोड दिए । पर्यटकको साढे एक दिनको पोखरा बसाइँले पोखराको पर्यटन व्यवसायलाई धान्न मुस्किल परेको गुनासो गरे ।

प्रतिक्रिया व्यक्त गर्नुस्
    Print       Email

You might also like...

भ्रष्टाचार काण्डमा प्रमुख सेनानी कार्की जेल चलान

Read More →