Loading...
You are here:  Home  >  राजनीति  >  Current Article

प्रकाशको नाममा विदेशी बैंकमा पैसा रहेको प्रमाणित गर्न प्रचण्ड सचिवालयको चुनौती

२८ साउन,   खबरमञ्च,   at 10:50 AM

By   /  August 13, 2019  /  Comments Off on प्रकाशको नाममा विदेशी बैंकमा पैसा रहेको प्रमाणित गर्न प्रचण्ड सचिवालयको चुनौती

    Print       Email

काठमाडौं । नेकपा अध्यक्ष पुष्पकमल दाहाल प्रचण्डको निजी सचिवालयले दिवंगत प्रकाश दाहालको नाममा दुबईको बैंकमा २१ अर्ब रुपैयाँ रहेको भन्ने विषय झुटो रहेको दाबी गरेको छ।

मंगलबार एक विज्ञप्ति जारी गर्दै सचिवालयले प्रकाश (प्रचण्ड पुत्र) को नाममा विदेशको कुनै पनि बैंकमा खाता र पैसा रहेको प्रमाणित गर्न चुनौती दिएको छ।

‘क्रान्तिकारी ध्रुवीकरणबाट अत्तालिएका प्रतिगामी तत्वहरु क्रान्तिकारी पार्टी र नेतृत्वप्रति जनतामा भ्रम छर्न अनर्गल, तथ्यहीन र भ्रामक कुप्रचारमा लागेका छन्।’ प्रचण्डको प्रमुख स्वकीय सचिव जोखबहादुर महरा ‘प्रताप’बाट जारी विज्ञप्तिमा भनिएको छ,’  दुरासयपूर्ण अभिव्यक्ति अग्रगामी परिवर्तनको नेतृत्वलाई जनतामा बदनाम गराउने प्रतिक्रान्तिकारीहरुको षडयन्त्रपूर्ण भ्रामक प्रचार मात्र हो।’

प्रचण्डको दुबई भ्रमणको बिषयलाई लिएर केही कुत्सित मनसाय भएका व्यक्तिहरुले बदनाम गर्न षडयन्त्रपूर्ण भ्रामक प्रचार गरिएको सचिवालयले जनाएको छ। विज्ञप्तिमा जनक्रान्तिका उपलब्धी विरुद्ध प्रतिगामी तत्वहरुबाट योजनाबद्ध ढंगले प्रहार गर्ने दुश्प्रयास भइरहेको उल्लेख गरिएको छ।

 

प्रतिक्रिया व्यक्त गर्नुस्
    Print       Email

You might also like...

ईपीजीकाे प्रतिवेदन चाँडै सार्वजनिक हुन्छः परराष्ट्रमन्त्री ज्ञवाली

Read More →