Loading...
You are here:  Home  >  समाज  >  Current Article

दशैंमा राष्ट्रपतिकाे शुभकामनाः भ्रातृत्व अभिवृद्धिमा टेवा पुगाेस्

२१ असाेज,   खबरमञ्च,   at 8:25 AM

By   /  October 8, 2019  /  Comments Off on दशैंमा राष्ट्रपतिकाे शुभकामनाः भ्रातृत्व अभिवृद्धिमा टेवा पुगाेस्

    Print       Email

काठमाडौँ । बडादशैंका अवसरमा राष्ट्रपति विद्यादेवी भण्डारीले शुभकामना दिएकी छन् । राष्ट्रपति भण्डारीले नेपालीहरूको राष्ट्रिय चाड बडादशैँले सबै नेपालीलाई आ–आफ्नो क्षेत्रबाट न्याय र समानतासहितको सामाजिक–आर्थिक समृद्धि, सामाजिक एकता, आपसी सद्भाव र भ्रातृत्व अभिवृद्धिमा टेवा पुग्ने विश्वास व्यक्त गरेकी छन् ।

विजयादशमीको अवसरमा स्वदेश तथा विदेशमा रहनुभएका सम्पूर्ण नेपालीमा सुख, शान्ति र समृद्धिको कामना गर्दै आज दिनुभएको शुभकामना सन्देशमा राष्ट्रपतिले चाडपर्वको सम्बद्र्धनबाट राष्ट्र र राष्ट्रियताप्रति अटल सम्मान एवं गहिरो प्रेमको भावना जागृत गर्न सहयोग पुग्ने बताएकी छन् ।

“हाम्रो मुलुकमा परम्परागत रुपमा हर्षोल्लासपूर्वक मनाउने गरिएका विभिन्न चाडपर्वहरूले भौगोलिक, सांस्कृतिक र भाषिक विविधताबीच रहेको मौलिकता थप सुदृढ गर्नका साथै सांस्कृतिक एकता र पहिचानलाई अक्षुण्ण राख्न महत्वपूर्ण योगदान गरिरहेका छन्,” राष्ट्रपतिको सन्देशमा भनिएको छ ।

राष्ट्रपति भण्डारीले सन्देशमा विजयादशमी पर्वले समृद्ध नेपाल, सुखी नेपालीको साझा राष्ट्रिय सङ्कल्प पूरा गर्न सबैमा उत्साह, जोश र जाँगर थप्ने विश्वास व्यक्त गर्दै सबैको उत्तरोत्तर प्रगतिको कामना गछन् ।

प्रतिक्रिया व्यक्त गर्नुस्
    Print       Email

You might also like...

सैनिक भर्नामा अनियमितताः चार सैनिकसहित २७ जनालाई सेनाले गर्‍यो कारवाही

Read More →