Loading...
You are here:  Home  >  छापामा  >  Current Article

चिसोले कठ्यांग्रिएर काठमाडौंमा हुन्छ दैनिक ६ जनाको मृत्यु

२७ पुस,   खबरमञ्च,   at 7:36 AM

By   /  January 11, 2019  /  Comments Off on चिसोले कठ्यांग्रिएर काठमाडौंमा हुन्छ दैनिक ६ जनाको मृत्यु

    Print       Email

काठमाडौं । काठमाडौंमा चिसोले कठ्यांग्रिएर दैनिक ६ जनाको मृत्यु हुने गरेको प्रहरी अनुसन्धानले देखाएको छ।

मृत्यु हुनेमा विशेषगरी सडकमा बेवारिसे अवस्थाका वृद्धवृद्धा छन्।

प्रहरीका अनुसार यो तथ्यांक काठमाडौं महानगरपालिका आसपासका सडकपेटीमा बेवारिसे अवस्थामा रहेका वृद्धवृद्धाको मात्रै हो। यो खबर टेकराज थामीले आजको नयाँ पत्रिका दैनिकमा लेखेका छन्।

यस्ता वृद्धवृद्धा काठमाडौंको सडकपेटीमा दुई सयको हाराहारीमा रहेको प्रहरीको दाबी छ।

महानगरीय प्रहरी परिसर काठमाडौंका डिएसपी राजेन्द्र पोखरेलले बढ्दो चिसोका कारण प्रत्येक वर्षको जाडोमा कक्रिएर दैनिक चारदेखि ६ जनाको मृत्यु हुने गरेको बताए।

‘बढ्दो चिसोले सहरमै दैनिक चारदेखि ६ जनाको कक्रिएर मृत्यु हुन्छ। सडकपेटीका बेवारिसे वृद्धवृद्धाले चिसोका कारण मृत्युवरण गरिरहेका छन्,’ उनले भने, ‘विगत वर्षका तथ्यांकले यस्तै देखाउँछ।’

प्रहरीका अनुसार काठमाडौं उपत्यकाका मन्दिरआसपासका क्षेत्रमा धेरै छन् । त्यसमा पनि भिख माग्ने वृद्धवृद्धाको संख्या धेरै छ।

प्रतिक्रिया व्यक्त गर्नुस्
    Print       Email

You might also like...

७३ हजार कर्मचारीले रोजे समायोजन

Read More →